Apne maan ko mana liya maine,
Zindagi se nibha liya maine !


Ek khusboo si teri yaad aayee,
Ek pal muskara liya maine !


Pyas tadpi to pee liya aansoo,
Bhukh me gam ko kha liya maine !


Dard ka geet ek tadapta sa,
Pyar me gunguna liya maine !


Mujhpe ilzam hai zamane ka,
Kyon tera dil chura liya maine,


Jab kabhi neend mujhse rooth gayee,
Chand ko ghar bula liya maine !


Kis tarah khusnaseeb hun mai bhi,
Tumko khwabon me paa liya maine !!

Thank friends for urs nice comments.